5 Janar 2021

Siguria ushqimore është një prioritet i shëndetit publik, sepse ajo prek të gjithë qytetarët e një vendi.

Për të rritur nivelin e sigurisë ushqimore, shtetit i kërkohet të organizojë institucione dinamike, të afta për të zhvilluar dhe zbatuar një numër të madh rregulloresh, të cilat përmirësohen vazhdimisht. Është e pamundur që ligji për ushqimin të zbatohet i plotë, nëse nuk rritet ndërgjegjësimi i publikut dhe nuk përmirësohet komunikimi mes konsumatorëve dhe institucioneve.

Projekti për Siguri Ushqimore, i financuar nga BE, fokusohet në të gjitha fushat e sipërpërmendura. Ne po ndihmojmë Shqipërinë të përafrojë dhe të zbatojë standardet e BE-së, standarde të cilat do japin më tepër mbrojtje për shëndetin e njerëzve dhe kafshëve, mirëqenien e kafshëve dhe shëndetin e bimëve.

Ndihma e projektit ndaj institucioneve shqiptare ka një qasje unike, nga agjensia në agjensi, ku Autoriteti për Siguri Ushqimore në Irlandë udhëheq një grup organizatash menaxhuese. Të përfshirë gjithashtu janë Autoriteti i Ushqimit finlandez, Departamenti irlandez për Bujqësinë, Ushqimin dhe Marinën si dhe Creative Business Solutions, me vendndodhje në Shqipëri.

Projekti i financuar nga Bashkimi Europian me shumën 5 milion euro, filloi në janar 2019 dhe pritet të përfundojë në janar 2023.